太耐冇返嚟Medium好抑鬱，都係出吓文。本文原本打算放《迴響》，決定唔放（我喺《迴響》出稿又冇錢收）。
首先：買書去>呢度<。（原文版，らいとすたっふ出版，2020年）
呢一件事係發生喺廿幾年前，我仲係喺廣州留學，讀緊大學嘅事［*1］。
雖然已經係回歸咗，不過我哋香港人或者澳門人仍然因為國情問題，有別於國內當地學生，同外國留學生一樣，一律被廣州呢間大學視為外國人，只係情感上有個好聽啲嘅名，稱為「僑生」［*2］。對住呢班港澳僑生，又唔識國情、又唔識普通話（我識講國語嘅）、又唔讀書、上堂又瞓覺、淨係識得成日玩同走堂（你估我唔到，我冇走堂），其實間學校都慣晒，對住你班僑生隻眼開眼隻閉。學校安排咗公共課，不外乎都係嗰啲「基本法概論」（仲要分開澳門同香港兩個地區嘅基本法）、「普通話拼音」、「道德課」之類，你班僑生Year…
