見證香港出版業界盛況。
復刻版《桃李劫》
作者:依達
出版:初文
出版日期:2023年4月(原版唔知幾時)
售價:HKD88
有人話依達擅長寫壞男孩,《桃李劫》就係純情少女愛上不羈壞男孩。
未遇到女主角之前,壞壞的男孩壞到一個極點,恃住自己係學校董事個仔(言情男主角通常都係呢個設定),返學唔着校服、食煙、夜晚去女生宿舍媾女亂搞男女關係,讀緊中四咋,就已經搞大咗個女同學個肚。
遇到女主角之後呢?咪又係咁壞,繼續返學唔着校服、繼續食煙;喺泳池攬住女主角、喺學校地下室猴擒女主角。真係好壞囉,咁壞愛嚟做乜。
想像男主角當年就係個樣有少少邪釘嘅謝老四(或者張國榮、窪塚洋介、193…etc),總之睇樣就係靚仔同有啲壞嗰種。女主角就當然係讀者自己。