有感：《家有囍事》（1992版）真係神級
＞FRIEND LINK＜< 非會員入口
是咁的。早兩日埋頭苦幹，做到夜晚十點幾，突然收到阿媽電話，問我幾點返屋企，隔住部電話都Feel到佢有幾咁焦慮。
佢話開住部電視睇睇吓，突然間冇得睇，個畫面駁咗去屋企樓下入口個閉路電視，淨係可以睇到邊個入大廈，而呢個畫面固定咗四小時。
期間佢不斷咁搞個遙控器，可以撳嘅掣都撳晒，電視畫面都不變，繼而開始焦躁。
「咁你不如睇YouTube啦。」因為部電視一早裝咗YouTube APP，我媽每日都用嚟睇《恐怖在線》同教主啲片。
「睇咗喇，睇咗幾個鐘睇到好悶呀！」
