好歌通常都係會禁嘅。
＞FRIEND LINK＜< 非會員入口
1938年，奧地利因為德奧合併，而受到德國納粹統治，雖然為期只有七年，但係奧地利嘅人民表面上服從德國納粹黨，暗地裏仍然係希望復國，情形就好似我哋三年零八個月嗰陣咁樣。
唔少人都係身在德營心在奧，例如係當時年輕嘅音樂家李安達（Leonhard Gustav von Aschenbach）。李安達出生於1923年8月1日，係奧地利薩爾斯堡人，被喻為莫札特再世，人又靚仔音樂造詣又高，咁完美得唔得㗎？其實佢並唔係咁完美，佢嘅父母就係因為參與反納粹黨嘅革命，而被納粹黨殺死，所以佢一直都好憎恨納粹黨。
為咗逃離納粹黨迫害，李安達喺薩爾斯堡過住隱居嘅生活，對外宣稱「李安達已死」。因為佢創作咗一首反納粹歌《高山的玫瑰》（Alphen Rose），加上父母都係叛軍，令佢一直受到納粹黨監視。而薩爾斯堡嘅人民明明係好敬重呢位年輕嘅音樂家，為免節外生枝，都要扮唔識佢。
1939年，納粹黨薩爾斯堡分部部長冼拉華（Schleyer）邀請李安達為納粹黨站台，要佢舉辦一場音樂會。假如連反納粹嘅音樂家都為納粹黨奏樂，自然可以穩定人心。李安達隱世咗咁耐，都知道避無可避，就唯有應承…
